وبلىس ورتالىعىنداعى بىلعارى زاۋىتى ىقشاماۋدانى دا كوپ زالال شەكتى. سينوپتيكتەردىڭ ايتۋىنشا مۇنداي سۋ تاسقىنى سوڭعى 60 جىلدا تىركەلمەپتى. وسى اۋماقتا قاۋىپسىزدىك شارالارىن نىعايتۋ ماقساتىمەن ۇكىمەتتىڭ رەزەرۆ قورىنان 2,6 ميلليارد تەڭگە ءبولىنىپ, ۇزىندىعى 3 شاقىرىم, بيىكتىگى 5 مەتردەن اساتىن بوگەن تۇرعىزىلدى. قۇرىلىس جۇمىستارىمەن «قازپاكو» جشس اينالىسىپ, 300 ادام, 200-دەي تەحنيكا جۇمىلدىرىلدى. ءسويتىپ ەكى ايدىڭ ىشىندە پايدالانۋعا بەرىلدى.
«نىساندى تۇرعىزۋ كەزىندە كوپ جىلعى مالىمەتتەر جان-جاقتى ەسكەرىلدى. بۇرىنعى بوگەننىڭ ۇزىندىعى 883 مەتر, بيىكتىگى 3 مەتر عانا بولاتىن. ول ۇيلەردىڭ ءبىر بولىگىن عانا قورعاپ قالدى. سوندىقتان بارىنشا نىعايتىلىپ, سۋدىڭ كوتەرىلۋ بيىكتىگى ەسەپتەلىندى. ەندى ەشقانداي قاۋىپ تونبەيدى» , دەدى ايماق باسشىسى قۇمار اقساقالوۆ تۇرعىندارمەن كەزدەسۋدە.
بۇگىندە بىلعارى زاۋىتى ىقشاماۋدانىندا ورنالاسقان 470 تۇرعىن ۇيدە 3700-گە جۋىق ادام تۇرادى. كەلەسى جىلى اباتتاندىرۋ جۇمىستارى اتقارىلىپ, ىشكى جولدار جوندەلەدى. بالالار الاڭدارى سالىنادى.
100 مىڭ ادام تۇراتىن 57 ەلدى مەكەن سۋ باسۋ قاۋپى بار ايماقتاردا قونىستانعان. وسىعان وراي 2017-2020 جىلدارعا ارنالعان سۋ تاسقىنى قاۋپىنىڭ الدىن الۋ جانە جويۋ بويىنشا ءىس-شارالار كەشەنىنىڭ جول كارتاسى ازىرلەندى. بوگەتتەر سالۋ , قۇبىرلار, جولدار تارتۋ ىسىنە 7 ميلليارد تەڭگە بولىنەتىن بولادى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى
